玄學星相：陳瀅有貴氣勢嫁入何家
「千億新抱」徐子淇有幾幸福就眾所周知，近日「宅男女神」陳瀅都戀上賭王四房兒子何猷亨！到底陳瀅有否機會做下一個「千億新抱」？做好新抱又是否有樣睇？《東網巨星》的娛樂節目《玄學星相》，最新一集邀得堪輿學家陳子才以玄學角度和大家分析圈中熱門好新抱。
《東網巨星》娛樂節目《玄學星相》為觀眾提供從玄學角度出發的娛樂消息，令大家緊貼娛樂新聞之餘，又學到玄學知識。最新一集，由堪輿學家陳子才以玄學角度和大家全面分析圈中熱門好新抱。
「宅男女神」陳瀅和賭王四房兒子何猷亨拍拖短短時間，除獲四太梁安琪破天荒讚靚女外，更孖埋齊齊睇麥當娜演唱會，似乎已融入何家。到底陳瀅是否有機會嫁入豪門？她又是否好新抱人選？陳子才說：「又真係OK喎，首先睇佢個鼻，鼻高鼻長鼻直有貴氣，顴鼻仲要相配，眉眼又配，呢啲基本上都相當唔錯，題目話係咪一個好新抱好太太，好！正正眼大眼珠大黑白分明，成個人老實講，都真係有啲貴氣o架！」
着緊另一半
圈中另一位好新抱人選就是有「中國好女友」之稱的唐詩詠，她的命格是否所有事情都遷就另一半呢？陳子才說：「佢個命格有樣比較獨特嘅地方就係佢個命宮即係代表佢自己，原來有一個『合』，嗰個『合』就係合住佢自己個夫妻宮，而同步嗰個夫婦宮亦代表住佢老公嗰粒星，即係夫星，咁代表原來佢真係好着緊另一半，仲要關注關心之餘佢肯付出，呢個好重要！」唐詩詠是否100分Perfect冇缺點？想繼續聽師傅點講？就要Click入《東網巨星》的「視娛樂」，睇《玄學星相》就更啱Feel！
【http://goo.gl/awpujJ】
文：專案組