林夏薇爛賭夫妻 開局調情
已為人妻的林夏薇在劇集《公公出宮》飾演鹹濕又爛賭的「大少爺」千金小姐，與她的真實性格可謂天差地遠，更被老公投訴粗魯，不過老公依然肯幫她培養爛賭格，林夏薇笑言兩公婆用另類方式溝通。
藝人林夏薇在《公公出宮》中雖然是金家大小姐，不過打扮男性化之餘，竟又鹹濕又爛賭，似敗家二世祖多過似千金小姐，她表示是以吳鎮宇在電影中的角色(口靚)坤為藍本，又直言與她本身的性格大相迥異，她說：「真係難(口架)，要翹腳、un腳，屋企唔畀我咁做，爸爸媽媽會鬧。」至於老公有沒有投訴？她說：「佢話我粗魯咗，戲入面講我爛賭，佢就陪我練熟啲賭錢手勢，下套劇係講我打麻雀好叻，佢仲特意買副麻雀陪我練，有時佢收咗工返到嚟，夜麻麻問使唔使陪我練。」笑指二人的相處方式與一般的夫婦不一樣。
開平外景三次中暑
談到在開平拍攝外景時氣溫達四十度，仍要穿厚衣拍冬天戲，幾乎每個人都中暑，林夏薇說：「我中過三次啦！有一場戲我要打，點知拍足全日，要打又要轉，結果暈咗送入院。」加上造型要穿長袖衫配長靴，令她全身生濕疹。為應付在開平四十多天的拍攝工作，林夏薇試過飲正氣水解暑，並帶了過百支上開平，結果被其他演員取笑：「就係飲咗先中三次暑。」
文：影視組