藝人糖妹昨以代言人身份出席西班牙旅遊書發布會，表示稍後有機會歐遊：「我畢業後就即刻入行，但好多同學都揹背包去一、兩個月旅行，依家可以藉工作攞番呢o的時間，最好就拍埋真人騷。（24小時有鏡頭對住唔驚？）冇乜所謂，我素顏比幾年前好好多，同埋有做運動，血氣都比之前好。」她坦言一直有意到外地讀書增值，更笑言最想試異地戀：「因為唔使咁黐身，最緊要係心靈支持。（好少機會見？）所以最希望係香港人過去做嘢嗰隻異地戀。」
