秋生愛亂噏毛舜筠多謝帶挈
視帝黃秋生昨日與毛舜筠（毛毛）拍攝無綫處境劇。視帝金口一開，即引得毛毛開懷大笑，毛毛更指秋生帶挈她有好嘢食，有紅酒飲，望他多回巢拍劇。
黃秋生與毛舜筠昨日在電視城，拍攝無綫新處境劇《愛．回家之八時入席》。作為重量級視帝，秋生對同劇一班年輕演員有讚無彈。他除與眾人合照外，又點名稱讚劇中演其助手的後輩賴慰玲，大讚對方有潛質。
靚酒佳餚益手足
秋生又直言毛毛是其偶像：「我係因為毛毛姐至返嚟客串，其實我都想好似毛毛咁，去讀藍帶，學廚藝，我直頭想轉行添呀！之前睇咗毛毛有張相，佢好厲害，有背肌，不愧為我偶像！（合作有冇火花？）我哋講究工業安全，唔准有火花喎！」
毛毛聽罷即哈哈大笑，她說：「同秋生拍劇，我先識笑，佢成日引我笑，又亂噏嘢，又帶挈我有好嘢食，有紅酒飲，希望佢再返嚟拍啦。邵小姐（監製邵麗瓊）話寫咗佢再返嚟嘅劇情。」
人肉叉燒封刀作
秋生聞言說：「你睇吓依家啲女人幾得人驚呢！（得閒就返嚟拍？）我覺得好就應到此為止，況且都好難話得閒兩日拍兩日，我之前得閒咗兩年啦，依家係時候搵吓錢。（之前拍咗邱禮濤套新片咪搵錢囉！）嗰套戲個道具用叉燒做人肉，我食得好滋味，套戲好核突。（人肉、叉燒，你應該好在行？）同以前唔同，可能年紀大咗，冇感覺，呢套應該係我呢類戲嘅封刀之作。」
文：影視組