Momotaro滾動紙火鍋 朱慧敏何傲兒放膽瀛食

本身有投資飲食生意的Queenie不時四出試菜，是名副其實的食家。她得知酷愛日本菜的Lily，早前遊日回港後，欲在港尋找具水準的日本餐廳，遂開心Share其至愛：Momotaro高級日本料理！

和風布置混合潮味

Queenie貴為食家，不但嘴刁而且眼利，甫入內即大讚牆上一幅由國際知名藝術家Victoriano創作的大型和服女子壁畫，充滿瀛味，再續由裝修布置層層說起，她說：「Lily你都知我開餐廳啦，我對食客心態都略有研究。依家嘅食客已經唔止食食物質素，仲係講環境、講服務，對餐廳環境、裝修有一定要求。Momotaro日文意思係桃太郎，呢度嘅裝修就好有日本和風色彩，仲將傳統Crossover新派，吧台下半部用咗和服嘅腰帶作點綴，好日本風！牆上嘅大壁畫，就用咗好Modern嘅畫風，有一種新潮嘅時代感！食客喺呢種環境，感覺特別舒服！」

餐廳內設有大型酒吧，調酒師即席為Queenie調製招牌雞尾酒。	兩個靚女大讚Momotaro不論環境布置都屬超水準之作。	牛柳肉汁豐富口感嫩滑，令何傲兒亦忍不住口密密食。

私隱度高情調浪漫

Lily則看出餐廳選址的心思謂：「餐廳選址喺UG層，私隱度較地舖高，可以畀食客安心食飯，另外因為餐廳喺UG層，有一個長長嘅露台。到咗夜晚，食客即使置身餐廳都可以欣賞到中環夜景，情調浪漫！」

朱慧敏直言烏冬湯底清甜，女士至啱。	主廚青山征晃師傅精心炮製頂級日本菜。	Japanese Paper Shabu Shabu $168 季節性限定紙火鍋是此店重點推介，主廚透露此菜式甚少在港出現，只因不少餐廳嫌成本高。除配有新鮮蔬菜外，可選牛肉或豬肉，當中盛載美食的油紙可吸走油分，健康不肥膩。

說時遲，那時快，兩人從18道Lunch Set中「柯打」的3道名菜：極品「鵝肝牛柳」、王牌「鍋燒烏冬」及頂級「北海丼」已經上桌。兩人齊聲說了句日語：「Itadakimasu（我要吃了）！」隨即開動味蕾！

Nabeyaki Udon $138 鍋燒烏冬有別於傳統做法，除有天婦羅蝦及溫泉蛋外，更有牛肉或豬肉選擇，適合不同口味的食客，同時以石頭鍋加強保溫效果，是創新的做法。	Beef Foie Gras $138 選用來自美國的牛柳口感豐富，配上兩塊匈牙利鵝肝，分量十足，加入香濃汁調味，齒頰留香。	Hokkaido Donburi $268 以北海道盛產的海鮮作賣點，由每日空運到港的碎吞拿魚腩、海膽、三文魚子炮製，鮮味十足。而壽司飯採用日本山形縣的女王米，大粒又「煙韌」。

Lily吃過鵝肝牛柳後，大惑不解直言：「平時食鵝肝都會覺得好『漏』，但係呢款鵝肝牛柳不但有香濃嘅鵝肝味，食落仲唔覺太油，點解嘅？啲牛柳肉汁好豐富，口感嫩滑，生熟程度控制得啱啱好，夾埋鵝肝嘅香，相得益彰，我好鍾意呀！至於鍋燒烏冬嘅湯底做得好清甜，烏冬夠滑，索咗湯底嘅精華，仲有半生熟嘅蛋漿！好想飲晒成碗湯落肚呀！」

Lily指餐廳選址私隱度高，最適合二人世界撐枱腳。	餐廳位於威靈頓街，交通方便。	放大圖片

海膽鮮味加倍提神

美食當前，女士會變成夏娃，真情流露，渾然忘我！Queenie亦不例外，她說：「呢個北海丼嘅食材由日本空運到港，我最欣賞係啲海膽，好鮮甜！出面食嘅海膽有時會帶啲鹹味，但呢個海膽就好Fresh！大廚雖然配備咗生磨嘅Wasabi畀食客，但係啲三文魚子、吞拿魚本身已經好鮮味，食過呢個飯，晏晝返工都精神啲！」

紙火鍋吸油唔吸湯

此時鎮店特色美食日式紙火鍋已上桌，單是賣相已教人心動。Lily品嘗完一口牛肉後，即時現出心心眼高呼：「好嫩滑嘅牛肉，牛嘅香味喺口腔游走，我諗呢種就係人哋成日講嘅齒頰留香！」而Queenie亦被深深「滾動」，她說：「我覺得紙火鍋好神奇！日本嘅油紙吸油，但唔吸湯，令個湯更鮮甜，食得更健康！能夠食到熱騰騰嘅美食，我覺得係好幸福、好溫暖、好窩心嘅體驗！呢個紙火鍋因為晚市至有得食，想像入夜後，約好友知己撐枱腳，望住啲火光，享受美食，好浪漫燭光晚餐o架！」

加推限定Fusion菜

由加州米芝蓮星級餐廳Asanebo Restaurant主廚青山征晃師傅任行政總廚，並由Leo Kwok任主廚及Jac Hung任壽司師傅，製造出頂級日本菜，這個鐵三角無懈可擊！為迎合不同口味的食客，餐廳在午餐由原本10款加至18款，當中力推鵝肝牛柳、鍋燒烏冬及北海丼，全店特色美食是主廚精心製作的季節性限定紙火鍋，令人垂涎三尺！餐廳內亦設有大型酒吧，有調酒師即場調製雞尾酒，而每款雞尾酒以不同國家命名，當中招牌作的Yama momotaro就是由清酒、紅莓、柑橘及桃調成的日式特飲。

逢周四live band演奏

餐廳着重私隱度，讓客人有寧靜的環境品嘗美食，不受騷擾，故選址亦費盡心思。餐廳位於中環的心臟地帶，交通方便，由中環港鐵站步行約9分鐘，或由上環港鐵站步行約4分鐘，看見一條寛敞的長樓梯及餐廳水牌行上去轉左就到達，每逢星期四晚上八點半至十二時，都有樂隊演奏，讓客人與三五知己把酒言歡。

地址：中環威靈頓街198號UG層

電話：2865 0005

營業時間：(每日)中午12:00-15:00　晚上18:00-01:00

朱慧敏：

化妝：Kitson yu @ portfolio

髮型：Terry Yeung @ Hair Corner

服裝：Ted bakeron yu @ portfolio

何傲兒：

化妝：Joico @ Gingko

髮型：Chris Chan @ Leighton aveda

文：陳奕龍、李詠林　

攝：吳文聰