張家輝賭魚蝦蟹變煮海鮮

張家輝、吳鎮宇及佘詩曼（阿佘）等昨日於影視博覽出席《使徒行者》電影版宣傳活動，同場還有任達華、趙文卓和台星王大陸等。當中「好客」的張家輝受訪時透露自己攜「魚蝦蟹」到巴西拍攝，原意是娛樂大眾，卻一度被誤傳帶魚、蝦、蟹等海鮮到當地煮食宴客，而無份前往的鎮宇即笑言：「如果我都有份去巴西，我一定會搵殺手殺咗張家輝。」
吳鎮宇、佘詩曼和張家輝分享拍《使徒行者》電影版的趣事。
吳鎮宇、佘詩曼和張家輝分享拍《使徒行者》電影版的趣事。

張家輝亦透露巴西當地曾發生槍戰：「平時有班差人會由酒店護送我哋去拍攝場地，但拍戲嗰度啲差人又唔可以入去，所以換咗當地嘅保安，其實嗰度係貧民窟，聽人講之前兩個星期都發生過械鬥，入到去都仲見到啲子彈窿！」阿佘則稱由於天氣問題仍未拍畢電單車戲份：「次次拍都落雨！」又指有不少打鬥場面。

任達華、台星王大陸（右）及內地女星張天愛現身活動。
  • 任達華、台星王大陸（右）及內地女星張天愛現身活動。