朱玲玲唔八卦啟山緋聞

有「最美麗港姐」之稱的朱玲玲，昨日與莫可欣出席慧妍雅集「TES 2016荷蘭創遊樂」，問到兒子霍啟山有否帶緋聞女友何超蓮給她過目？朱玲玲就避談家事並表示跟兒子好少見，亦未見過超蓮：「佢（啟山）好忙，少見。（囝囝蜜運中？）真係唔知，阿媽通常係最後一個知。（你唔好奇問吓？）唔會，佢通常被記者撞到會打電話畀我，叫我有心理準備。（想啟山快啲結婚？）雖然佢唔細，但唔恨得，佢有自己生活。」而超蓮亦在Instagram上載與弟弟何猷啟乘坐七人車上廣州的相片。