何傲兒緋聞纏身作歌洗底

藝人何傲兒前晚性感出席「莎莎38周年園林麗影真愛盛宴」，透露近來因飲食健康而瘦了：「所以先夠膽着性感少少，（會唔會出寫真？）我唔介意喺必要時留倩影，就算影都唔會太性感，我有底線，要健康性感。（背部全裸？）去到腰以下唔得，暫時答案係咁，但聽日又可能會變，因為女人係善變(o架)嘛！」又謂如將來有小朋友，亦希望可像其他懷孕藝人般，保持手腳纖幼來留倩影；問到如此喜歡小朋友，會否於感情路上加快腳步？她說：「冇得快，睇緣分，我依家對感情有希望，但做好事業先，我啱啱作咗首歌。（想做歌手？）想做實事畀大家睇，唔想聽到我個名淨係諗起我啲緋聞，想做啲成績。」

周慧敏推掉真人騷

同場的周慧敏之前為照顧貓兒，推了不少工作：「推咗3個真人騷，加上我唔想飛咁耐，又唔想commit太多嘢，我享受自己主導性多啲嘅工作。（重金禮聘？）聽講係，但未傾到，知道有好多遊戲規則，所以都係唔好搞，唔想畀遊戲規則操控我，好似演唱會，我自己可以參與多啲。」至於演唱會，她說：「終於諗搞30周年，今年申請要2017年先開到，但嗰陣都係30周年。」

放大圖片	戴凱欣與樊林爽甜蜜到場。	周慧敏與郭少明夫婦及女兒女婿合照。

戴凱欣等男友求婚

而四洲太子女戴凱欣（Kennis）與上海金融才俊樊林爽拍拖到場，談及二人相隔兩地，是否兩邊飛來見面？Kennis說：「有時得閒就朝早喺上海，夜晚返嚟，即日來回，有時就weekend，幾辛苦都值得。」Kennis謂還未談婚事，開到口等男友行動。

文：名人組