玄學星相：鍾嘉欣子女緣旺難兼顧事業
「宅男女神」鍾嘉欣今年2月突然宣佈與圈外男友Jeremy閃婚，嘉欣bb更表示當初認識Jeremy幾日就已認定對方。認真估佢唔到！《東網巨星》的娛樂節目《玄學星相》，為觀眾提供集玄學及娛樂於一身的消息，令觀眾可增加玄學知識之餘，又可緊貼娛樂新聞。最新一集邀得堪輿學家雲文子以玄學角度和大家分析鍾嘉欣與Jeremy命格，以及婚後的鍾嘉欣會否退出娛樂圈。
談到兩人到底有幾夾，雲文子表示：「Jeremy本身個格局同鍾嘉欣帶『貴神』相生，咁所以絕對有夫妻嘅緣分。」揚言婚後不會退出娛樂圈的鍾嘉欣，如果將來生埋小朋友，會唔會有機會退出呢？雲文子說：「短期內暫時見唔到佢會完全咁隱退嘅，咁但係雖然之後事業上嘅發展會有一定嘅進展，但係子女緣都非常之旺，咁所以如果要兩者兼顧，就比較難少少喇！」
與伍允龍命格相剋
談到鍾嘉欣與伍允龍拍拖8年都無法開花結果，點解與Jeremy就一拍即合？雲文子說：「以奇門遁甲嘅卦象見到伍允龍本身自己個命宮臨『騰蛇』，再加『登明』，同鍾嘉欣嘅命格係相剋，即係代表佢哋就算繼續喺埋一齊，都好難走到去結婚呢個階段，所以分手都係一種解脫。」想繼續聽師傅點講？就要Click入《東網巨星》的「視娛樂」，睇《玄學星相》就更啱Feel！
文：專案組
【http://goo.gl/0Rz8Gc】