佗B關心妍着平底鞋唔識行
佗住5個月BB的關心妍（Jade）昨日出席活動，雖然已微微見肚，但貪靚的Jade仍着住四吋高踭鞋現身，她解釋：「你睇佢好似四吋咁，其實得兩吋，平時着開嗰啲五、六吋，呢對係可以出街嘅，我依家着平底鞋好似唔識行咁，都要同屋企人申請。」
Jade又講到最近流感肆虐，出入都帶備空氣清新機和消毒用品，而下月開始Jade便會留在家中養胎，問到可有為未知性別的BB改名？她表示要跟族譜：「有個『榮』字，楊榮X，都輕鬆已經有一個字喺度。」她又高興可以同BB一齊以慈善之星的身份出席活動，直言希望會影響到BB將來做一個善良、會幫助別人的小朋友。