學友踩自己：多謝大家憐愛

昨午張學友、林嘉欣、黃秋生、任達華、惠英紅、衛詩雅等現身香港影視娛樂博覽「英皇電影2016巡禮」，有關方面公布本年度十一部大製作，包括學友及嘉欣主演的《暗色天堂》、謝霆鋒及葛優主演的《鋒味江湖之決戰食神》、惠英紅主演的《幸運是我》等。

提名四次都食蛋

學友在《暗》片中的表現獲讚，就連有份參與演出的秋生也不諱言：「睇得出呢部戲會有影帝影后出現。」對於秋生的讚許，學友笑說：「講啫佢哋！我冇期望過，連埋今次自己提名過五次，都係拎唔到，次次都話我機會高，我都信命，攞唔到一定有理由，多謝大家對我嘅憐愛，我嘅演技可能唔啱評審口味。（咁睇好邊個？）城城（郭富城），佢喺導演會攞咗一個，睇高一線(口架)喇！」嘉欣亦表示睇好學友：「係我心目中嘅最佳男主角。」學友即說：「你都講定安慰說話啦，在『心中』嘛！」

談到外傳其演唱會檔期發生問題，學友說：「冇延期呢回事，今次主辦方係唱片公司，佢哋之後會發聲明。（睇到呢啲傳聞會嬲？）唔會，嚟緊好忙，10月開始巡迴演唱會，首站喺內地，要理好多嘢，都冇時間理呢啲事。」

楊受成（右）率領眾星出席英皇電影巡禮。	張學友：講啫！ 黃秋生：部戲會有影帝影后出現。	惠英紅為新片操肌，任達華笑她練到好dry。

惠英紅愧對母親

而惠英紅談到主演電影《幸運是我》，即眼濕濕表示：「呢部戲諗咗兩個幾月先接，因為媽媽有腦退化症，連生活嘅本能都唔識，佢50幾歲病發時，我唔清楚個病，仲指摘佢嘅行為同唔體諒，依家認識咗真係好內疚。」剛拍完驚慄片回港的衛詩雅則表示仍每晚發噩夢，夢見拍檔秋生狂追着她。

文：影視組