蔡少芬嬲爆：太愚昧

身為兩女之母的蔡少芬現正於瑞士工作，提到官恩娜的經歷，她接受訪問時表示不明白今時今日仍有人對母乳餵哺那麼無知，她說：「我覺得好悲哀，作為母親同餵過母乳八個月嘅我，我好尊重餵母乳嘅媽媽，唔認識嘅人實在太愚昧嘞！」她又自爆經歷說：「嗰陣我專登去商場餵哺母乳嘅地方餵，但有時小朋友好肚餓，佢要飲奶，所以未必喺餵母乳嘅地方餵，但都係privacy地方，我哋藝人再搵布遮掩晒，呢個值得尊重，我唔明點解仲有啲咁無知嘅人，唔識仲要辱罵人。」