Ana R.開工思家想索囡囡陣味

Ana R.與Rosemary昨日齊齊以嘉賓身份出席「Perfect Imperfections慈善時裝騷2016」，同場還有周國豐以及是次活動發起人、內地「創二代」（創業家的第二代）羅力力。問到新婚的Rosemary可會像Ana一樣生個baby？她說：「我啱啱先結婚，未有呢個計劃，過幾年先，等Ana有多啲經驗先。（你見過Ana個囡囡Maya未？）仲未有機會。」Ana說：「佢結婚後都好忙，要周圍飛，我今日都係佢婚後第一次見佢。（你諗住幾時生第二個？）等Maya一歲之後先計劃生第二個，兩個小朋友嘅年齡差距近啲。」Ana又透露早前為女兒舉行了百日宴。

人夫婚後齊脹爆

而身在活動的Ana卻心繫女兒和丈夫Brad：「依家得我老公同個女喺屋企，工人又放假，唔知老公搞唔搞得掂，我想快啲完咗活動就趕返去。我諗佢好緊張，我都好緊張，今次係第一次佢同個女單獨相處咁長時間，成4、5個鐘，之前都係一個鐘之內我出去買吓嘢咁。（你復工後慣唔慣？）我依家都會好掛住個女，想聞到佢陣味，同埋會睇佢啲相。」

周國豐	羅力力	Ana R.與Brad剛為囡囡舉行百日宴。

另外，問到Rosemary的丈夫被指婚後發福脹爆，Rosemary說：「佢婚後好忙，生活唔定時。（但你好fit？）我做好多瑜伽。」Ana即幫口說：「個個老公婚後都會發福，我老公都係，有位識煮嘢食嘅太太，呢個係幸福同埋愛嘅象徵。」

周國豐設計西裝

周國豐就透露他今年的生意大計說：「今年會做一啲life style嘅嘢，做自己好有興趣嘅西裝，會自己做番代言人，都有機會自己設計，成立自家品牌。（會唔會做父子裝？）其實我唔抗拒，同我爹哋唔同年代，爹哋嗰啲誇張啲戲劇性啲。可能係我個仔抗拒多啲。」

文：名人組