樂易玲拉頭馬囝囝興奮吶喊

無綫高層樂易玲昨日與老公陳君毅及囝囝齊齊入馬場拉頭馬，囝囝更笑到見牙唔見眼！樂易玲透過電話訪問指馬匹「好好機會」為家族擁有，更視之為家庭成員。而家人剛巧不在港，故一家三口到馬場支持。提到囝囝開心大笑，她說：「雖然佢大學畢業，但入馬場都無買馬，真係入去支持一下家庭成員。」她又指馬匹跑第一得到好成績，笑言：「醒兩條蘿蔔畀佢啦！」至於會否多入場支持？她說：「我好懶o架，如果屋企人喺度就佢哋去啦。」