宣萱陶大宇樂返娘家參戰
為配合劇集優化主題，無綫助理總經理杜之克亦重組戲劇製作班底，重金邀得之前被挖走的多個有經驗編審人才，繼有朱鏡祺，他成功打造謝天華於《學警狙擊》中演繹Laughing一角，以及蔡婷婷，她除將《宮心計》、《法證先鋒》打造為經典劇外，代表作更有為黃子華贏「最喜愛電視角色」的《棟篤神探》；另有劉彩雲，她亦捧紅於《戇夫成龍》演「阿旺」而贏得視帝的郭晉安，位位都功績不少。
杜之克受訪時坦言要邀請多位舊將回巢，迎戰他所鋪排的經典劇及新題材劇集：「除咗已經返嚟拍緊劇嘅羅嘉良外，溫碧霞、陳松伶、陳法蓉佢哋都講咗會返無綫，其實我哋好想搵番宣萱、陶大宇、陳秀雯及鄧萃雯等呢班富經驗嘅演員返嚟幫手！之前台前幕後都元氣大傷，依家埋班嘅人差不多恢復原來基礎。」
對於被點名邀回巢，陶大宇受訪時稱：「如果係真嘅，都好開心可以再合作，對自己有信心亦對無綫有信心！因為呢個階段，我都好講求劇本及對手！」曾與大宇合作無間的宣萱昨稱：「做嘢為求開心，好似我接鄧特希《隱世者們》，可以同相熟拍檔、幕後再合作會特別開心，我就大門常開嘅，無綫搵我都會傾，只要對手、劇本啱都冇所謂！」