早前於英國倫敦舉行的英國影視藝術文化學院電影頒獎禮（BAFTA），獎項花落誰家固然是焦點，一眾出席女星的衣着打扮亦是話題所在。當晚她們均盛裝行紅地氈，無論有否獲得提名，亦務求在紅地氈上率先贏出漂亮的一仗。當中有人穩中求勝，亦有人落足心思。名模陳嘉容就大讚奧斯卡金像影后姬蒂班查令人眼前一亮，靚到不得了，而狄高達莊遜則在髮型失分。
「眼前一亮，靚到不得了，睇得到佢落咗好多心思去配襯，盡顯佢華麗貴氣一面，條裙好襯佢嘅金頭髮，紮起令造型好突出，我畀100分。佩戴咗手鏈同耳環已經令total look好有層次感，比例好平衡，打扮得恰到好處。」
「條裙好靚，佢都着得好靚，不過失敗咗喺個髮型上，太過貼頭，如果set番蓬鬆啲或者鬈少少，有番啲volume，成個人嘅感覺會飄逸啲，襯番條雪紡裙。同埋佢完全冇佩戴任何accessories，依家好似就咁一條裙着咗上個衣架度，毫無生氣，好死板。」
「條裙好靚，cutting靚，款式特別，將佢嘅美好身材表露無遺。不過冇乜層次感，冇咗個聚焦點，心口太plain，加番條長頸鏈會更加搶眼。換個黑色或者金色嘅手袋，同紅色裙形成對比，會更加突出。」
「合格，好傳統嘅紅地氈晚裝look，紅色手袋襯番佢個紅唇，紅襯黑一般都唔會出錯，係比較保守嘅打扮，但就唔突出。換對露趾閃石高踭鞋，會更加靚同佻脫。」
「一貫穩陣嘅打扮，高貴優雅，大方得體，着得好靚，條裙嘅拖尾設計有特色，好特別，髮型亦都乾淨俐落。」
「條裙好有仙女味道，肩膊嘅設計騷到佢個靚膊頭。可惜又係冇配襯accessories，顯得沉悶同平淡。可以加番啲彩色寶石嘅首飾，襯番個紫、黃或者橙色嘅手袋，點綴吓會活潑啲，成個造型會更加突出同有光彩。」
香港著名模特兒陳嘉容（Eunis），曾為各大國際品牌行時裝騷，在時裝界打滾多年，不論時裝的理論還是實戰都難不到她，近年更為電視時裝節目擔任主持，化身stylist教人配襯衣着打扮。