顧芮寧琵琶jam歌 阿倫嚴師拒收徒
歌手顧芮寧（Elaine）前晚於九展舉行音樂會，獲校長譚詠麟（阿倫）、鄧建明（Joey Tang）等任嘉賓，而陳友和太極樂隊的唐奕聰亦有撐場。Elaine先以一襲黑色Deep V連身短褲，拿電結他出場，大晒iPad胸，其後又大彈琵琶，展示音樂造詣。
Joey Tang教廣東話
Elaine先與嘉賓Joey Tang拿着結他對唱，並憶起初來港不懂說廣東歌時要跟Joey灌錄廣東歌，令對方非常苦惱，笑言Joey同自己講咗句：「條脷唔係擺喺呢度。」Joey聞言即嚇得：「你想講咩呀？」
至於譚詠麟就任壓軸嘉賓，在台上大讚Elaine是中國年輕版Tina Turner：「我睇到一個香港冇嘅歌手，佢能文能武，唱歌就一般，仲有好大進步空間，音樂領域好大，可以代表香港新一代！」Elaine衷心感謝校長，直言如果冇校長就冇機會喺香港發展，唱最後一首歌時忍不住感動流淚。
驚動粗怕做虎教練
Elaine受訪時直言有校長支持好感動。在旁的校長聞言即指她人緣拍得住自己，又大讚她不怕蝕底及作曲有水準：「我首《銀河歲月》都係佢作。（覺得佢表現如何？）初初都怕佢騰雞，但愈做愈好，東南亞冇依種歌手。」當記者問到校長可會親自指導或教Elaine唱歌時，他笑言：「我唔會專注教人唱歌，我驚會打人，人哋就虎爸虎媽，我就虎教練，驚佢會怕。」
文：音樂組