陳智燊獲贊助要宋熙年係咁生
藝人陳智燊（Jason）與宋熙年（Sarah）昨日拍拖出席公開活動，並大晒恩愛。Sarah向未來老公大派定心丸，承諾對他專心一意不濫情，而十分喜歡小朋友的Jason獲贊助全家床褥，忍不住笑謂：「一直生落去都唔係問題！」
Jason與Sarah昨日與音樂人伍樂城為「雅蘭床褥50周年慶典」擔任嘉賓，即場騷默契齊齊鋪床單，顯得默契十足。談到拍檔出席活動，Jason表示：「做活動司儀嘅拍檔比較多，成日擦出『火花』，因為太熟，啲對答直接啲，唔係咁客氣。（會返屋企鬧交？）喺現場都鬧啦，有時真係過咗火，要收斂吓，我會努力嘅。」
感情唔濫就得
二人繼續公然「打情駡俏」，Jason又「投訴」未來太太：「年幾兩年前，佢開始喺朋友同經理人面前叫我陳生，搞到我好似要話晒事，同埋好有高層feel囉。（你又點叫佢？）咪宋小姐囉。」搞到Sarah即「安撫」他說：「我會努力諗第二個暱稱畀你嘞。」他倆的婚期初定今年12月，鑑於年尾有很多電視頒獎禮，故確實日期仍未有定案，但應該會分別於香港、澳洲及英國舉行婚宴。談到度蜜月，Jason說：「本嚟想畀個驚喜Sarah嘅，但要偷到佢本護照先得。佢對於去旅行好濫嘅，好多地方都話想去。」Sarah聞言即回應道：「我感情唔濫咪得囉！」
同樣喜歡細路
談到未來的生育問題，二人異口同聲表示喜歡小朋友，Jason更搞笑表示：「我哋成家都會有床褥贊助，一直生落去都唔係問題！」此言一出，被記者取笑：「咁諗住生幾多個？」Jason即改口裝傻答：「唔明咩叫生幾多個喎，哈哈！」這對準新人認真sweet爆。
文：影視組