Yanny冇眼睇全裸浸溫泉
組合Super Girls成員Aka及Yanny昨日與師妹陳詩欣出席「樂善堂糖果義賣」，剛放完大假的Aka及Yanny精神飽滿示人，東京返港的Yanny透露行街時遺失銀包，幸好最終失而復得：「一路行番之前條路搵，途經警局走咗入去報警，最後喺便利店搵番銀包，因為我同女性朋友去過買雪糕，銀包就跌咗喺雪櫃入面。」
對身材有信心
問到此行可有去浸溫泉？Yanny大方說：「有呀。（赤裸浸溫泉？）係呀，入住嗰間酒店仲分男、女同埋男女共浴，入去之前好謹慎望清楚有冇入錯。」問到身材是否被比下去？面紅紅的Yanny扮自信說：「少少怕醜，加上我有好深近視，我好滿意自己身材，充滿自信啦。」並踢爆同行女友人怕尷尬沒有一齊浸溫泉。
Aka誘仔帶路
而Aka被問到澳洲之行有否艷遇？她透露在當地遇上男歌迷：「四個男仔不停望住我，之後仲喺我公開網誌留言，話頭先嗰幾個男仔就係佢哋，好開心Super Girls有咁多人認識。」Aka並透露：「我同細妹同埋媽咪一齊去，我哋手拎住地圖搵路，有個當地男仔主動行埋嚟問有冇嘢幫手，我覺得佢好好。（有冇抄牌？）冇呀，冇下文。」另外，陳詩欣坦言每日在社交網見到師姐的旅行相有點妒忌。
文：音樂組