Bobby孭定欣冒雨狂奔

歐陽震華日前於中環海旁與胡定欣拍攝《一屋老友記》外景，劇情講述Bobby在海旁開解定欣並借機表白，最後抱得美人歸，Bobby在表白成功後更孭起定欣跑，場面相當溫馨！不過拍攝當日又凍又下雨，面對僅十度的低溫，二人埋位前包到實一實，Bobby與定欣對稿時更為女方撐起雨傘，十分體貼。

喪吔豬油渣麵

Bobby透露拍攝已到尾聲，故在劇中向定欣示愛一定成功，定欣早前指情人節要與Bobby開工齊齊過，Bobby就笑謂：「咪對足佢全日囉，我哋食豬油渣麵囉，套劇有個景係豬油渣麵舖頭，我哋真係買現成豬油渣麵返嚟拍(口架)。」

胡定欣踎低發力跳上背，歐陽震華孭實即往前跑。	放大圖片	兩人等埋位時黐實取暖抗十度低溫。

撐枱腳送話梅

定欣就笑指二人日日撐枱腳食豬油渣麵，又笑指互送劇組準備的話梅給對方，至於收工後有否與各自另一半慶祝？Bobby說：「收工都凌晨四點啦，返去梗係做場大龍鳳啦，叫醒老婆同佢講情人節快樂，再叫佢煮啲嘢嚟食！」而定欣則早一晚已收到男友所贈的花，未有再特別慶祝。

文：影視組