王賢誌揭老友曾與女藝人拍拖

身為王氏港建集團主席王忠桐的兒子，現任東華三院總理王賢誌（Vinci），他與鄺祖德分屬好友，二人認識多年，除了同一天生日外，因鄺祖德家姐為醫生、其祖父鄺命光又是九龍城區大地主，故兩家亦屬世交，對於鄺祖德自發聲明，指自己愛情生活不如慧嫻口中這麼「單調」，Vinci昨日受訪時坦言感到愕然，並力撐好友的拖友：「佢之前的確有同個圈中女藝人拍過拖，佢唔係咁『單調』嘅，但係邊個當然唔可以講，當時我都提醒過佢，叫呢位藝人出嚟幫佢澄清（性取向），但佢話唔想煩到人！但對於佢同慧嫻嘅嘢，我真係有嘢都唔知，只喺聖誕Party上見過慧嫻出現，後來我知佢哋有工作上嘅合作！（就呢個聲明有冇同佢聯絡過？）有，佢的確喺法國滑緊雪，因為有時差問題都講唔到咁詳細，但我都好支持佢。」