王浩信留疤：幾型呀

無綫節目《Sunday靚戲王》前晚錄影，嘉賓有王浩信、朱千雪、蝦頭、袁偉豪、單立文等，蝦頭以「小甜甜」造型亮相賣萌。最近為劇集《致命復活》拍攝撞車戲受傷的王浩信已復工，但坦言再拍撞車戲時有陰影，他說：「上到車真係有啲驚，會諗番起啲畫面，嚟緊有好多動作場面要拍，因為之前兩隻手指縫過針，依家仲有啲腫，握拳都要忍住痛。」
朱千雪希望上節目贏獎品。
朱千雪希望上節目贏獎品。

王浩信左眼皮留有傷疤，他笑說：「有個疤痕都幾型呀，當係紀念。」講到節目要考演技喊功？他笑說：「自己易喊嘅，同諗番起撞車後，屋企人去醫院探我，父母眼濕濕，個女又出唔到聲，自己都好慚愧，覺得以前好自私，掛住做嘢唔識去諗其他人。」同場的朱千雪被問可有信心應付節目遊戲？她笑說：「應該都應付到嘅，贏咗有獎品，會將獎品變成動力。」

王浩信坦言再拍撞車戲會有陰影。
  • 王浩信坦言再拍撞車戲會有陰影。