歌手盧冠廷（圖）昨日現身電台宣傳新歌《你今天快樂嗎》及六月舉行的紅館騷，他指新歌是《陪着你走》的延續：「《陪》係展望將來，《你》係回望過去，都係太太寫詞。（有份畀意見？）冇啊，口水歌氹吓佢就得，佢諗嘢好超然，唔知佢想點(o架)。」此外，他又提到將在網上廣邀賢才，凡在音樂上有才華的人都歡迎參與，有機會一齊上紅館舞台：「未決定會搵幾多人，想畀希望年輕人，外國都會有，可能會突然爆個勁嘅出嚟，我當年都係唱片公司畀機會我。」
