Alvin Goh同步姐冷戰 一攬釋前嫌

Alvin Goh早前陪日本天后濱崎步（ayu）來澳門及香港，先欣賞樂壇天后麥當娜演唱會，再到香港出席品牌活動。ayu更專誠為Alvin慶祝生日，二人一直以來「糖黐豆」，但於ayu離開香港前，卻突然傳出二人反目，ayu更取消了社交網站上對Alvin的關注！

都唔係第一次

對於不和傳聞，Alvin表示自己與ayu的感情「OK」，至於為何取消了社交網站上對他的關注？他坦言：「係我同佢公司喺工作流程上有啲誤會。（誤會解決咗未？）唔知，都唔係第一次發生咁嘅事，總會水落石出。」他坦言之前為ayu籌備日本演唱會時，亦曾因工作翻譯上的誤會，令二人吵架，並冷戰了兩天。Alvin說：「佢之後叫我去搵佢，攬住我同我講對唔住，誤會咗我。我叫佢一定要信我，經過呢件事，我哋嘅感情更進一步。」

不為傳聞生氣

提到有傳ayu因不滿他暗溝其老公Tyson，Alvin回應：「成件事好唔make sense，我都唔知係點傳出嚟，其實同佢（Tyson）唔算好熟。之前又有報道話我係ayu新男友，依家又話我搶佢老公。」他坦言不會為不同的傳聞而生氣，只認為各種傳聞非常搞笑，不會放在心上。而問到他的性取向及感情狀況？他一律封口，表示私事不作回應。

早前Alvin與濱崎步出席香港活動，兩人還糖黐豆。	Alvin笑言不會將傳聞放在心上。	Alvin（左起）表示與濱崎步老公Tyson唔算好熟。

文：名人組

服裝：Balmain

腕錶：BVLGARI

場地：The Upper House