AGA越洋談情寫情書冧仔

創作才女江海迦（AGA）近日與師弟周殷廷（Yan Ting）接受東網電視《娛樂onShow》主持李文珊的訪問，AGA為歌曲《Superman》MV特意找來師弟Yan Ting親自操刀，她透露Yan Ting化身成心理醫生「催眠」她，令她更投入：「因為我本身同個男主角識咗好耐，難啲變成女朋友嗰種甜蜜感覺，Yan Ting就喺旁邊一路同我講：『你試吓幻想吓，喺一個星期六嘅下晝……』好似個心理醫生！」

書信傳情

談及感情狀況時，二人亦指自己正在「尋人」中，並各自分享了曾為另一半做過的浪漫事，AGA說：「我之前嗰段係Long distance，好多時都靠書信、紙仔傳情，我有一次就寫咗365張紙仔放喺個筒度成個寄畀佢！」自認「怕醜仔」的Yan Ting則笑言：「我嗰時鼓起好大勇氣打電話畀個女仔，我喺個腦度都綵排咗好多次，但點知一聽原來係個女仔個daddy！」

AGA早前赴日參加馬拉松比賽。

Yan Ting為AGA操刀拍ＭＶ。

東京跑馬拉松

近來愛上跑馬拉松的AGA早前更與Regen和Hilary到了日本東京參賽，AGA其後更分享了Regen當時的蝦碌花絮：「一開始Regen都一路等埋我，但跑跑吓就唔見咗佢，又開始冇氣，咁我就好緊張，之後跑到終點，佢又突然出現番，我問佢去咗邊，原來佢唔記得戴con，跑咗去對面馬路！」其後AGA更笑指因Regen大頭蝦性格而得了個「日本名」為「長期隨處丟」。想知道更多關於AGA與戰友們的趣事，記得留意《娛樂onShow》！

妝髮（AGA）：Gary Sun@Hair Corner、Elaw Wong@thelook-studio.com

服飾：b+ab

場地：都會海逸酒店

文：專案組