羅仲謙大個仔緋聞冇有怕
羅仲謙於新劇飾演一級模特兒，但因緋聞而前途盡毀。謙仔笑言角色與自己相似，同樣經歷過人生高低潮。12年的演藝生涯中，謙仔坦言幸運：「（緋聞）唔需要太在意，遊戲規則嚟啫。以為好大件事，轉眼咪又另一番光景。」
羅仲謙於無綫新劇《潮流教主》扮演一名人氣極盛的男模，可惜因緋聞而遭一沉百踩，最終被安排到雜誌社工作靜思己過。他謂：「冇靚衫着，劇情仲交代雜誌社冇人理我，我每日返工都匿埋瞓覺。拍《潮》劇之前啱啱完成咗電影《西遊記之孫悟空三打白骨精》艱辛嘅拍攝工作，所以今次輕輕鬆鬆啱晒我。」
儲夠錢買樓
謙仔擁有模特兒身形，但卻謙稱「唔夠高」，所以兒時夢想只想當警察。談到今次這個角色，他有感而發：「大家都經歷過緋聞，我覺得自己比較幸運，坦白講以前將呢啲嘢睇得太重，依家明白日日都有唔同新聞，藝人同記者嘅關係唇寒齒亡，唔應該係敵對關係，笑一笑咪算囉。」謙仔坦言感激無綫一直給予自己拍劇機會：「可能積累經驗唔算少，之前同郭富城、鞏俐拍戲，都唔係好怯。」提到再拍無綫劇，謙仔謂：「呢方面可能要遲少少嘞，因為嚟緊我要返內地拍一套電視、一套電影。（收入豐厚？）猴年開始得唔錯，雖然依家樓市唔好，但都係時候睇定啲出擊嘞。」
盼繼續進步
《西》片口碑及票房不俗，謙仔難忘與台前幕後建立深厚感情：「我哋有個群組，元宵嗰日大家都有互相留言祝賀。今次最難得係連郭富城都開聲讚我有表現，希望日後繼續有進步。」對於有指女友楊怡將會離巢，謙仔坦言：「我哋好少提工作，佢亦好清楚自己要乜，無論佢嘅決定係點，我都支持佢嘅。」
化妝：Leo Tam@Annie G.Chan
髮型：Jan Chiu@lL Colpo
服飾：izzue ARMY x Wrangler
場地：ESPACE
文：影視組
攝：劉斌