胡諾言夫婦撇女遊日迷失大阪
胡諾言（胡仔）與太太陳琪之前拋下兩名愛女往大阪旅行，度蜜月之餘亦為了探路，打算之後帶兩名愛女前往，不過兩位成年人自己去，都已鬧出烏龍事。陳琪笑說：「我哋之前去日本旅行，通常都有同行朋友安排晒行程，所以今次想去探吓路先，想摸熟咗環境就帶囡囡去玩。」
豈料回程往機場途中，胡仔與陳琪卻上演一幕「迷失大阪記」﹕「返嚟嗰陣由於一早買咗day pass唔想嘥，但途中發現唔對路，原來大阪一架列車，最終會分開兩截行駛，一截去和歌山、一截去機場，我哋喺最後一刻『跳車』，去到機場已經冇乜時間。」
至於早前一家的「首爾行」他們就於當地聘用司機兼嚮導，省回不少時間，胡仔更可一嘗雪中疾跑滋味。