陳嘉容高人一等Mark信心搭夠

名模陳嘉容(Eunis)近期忙於主持電視節目的拍攝,內容關於時尚品味生活,日前就邀請了雷頌德(Mark)擔任嘉賓,大談電單車。Eunis大讚Mark說:「佢講嘢好風趣幽默,佢話我好高,高佢成個頭。但係佢好好,導演要求我唔着高踭鞋,咁我哋o既高度會平衡啲,佢話:『唔使啦,唔使除啦靚啲喎,高過我唔緊要呀。』係個好有自信心o既男人,好正。今次我o既造型係我自己設計,超級鍾意,好多朋友都畀like,話好耐冇見過我咁型格o既look。」

至於坐電單車的經驗,Eunis說:「十幾廿年前坐過一次,嗰時覺得好正,好似電影入面o既浪漫情節咁。不過香港空氣始終較污染,我覺得喺郊區又或者度假時坐電單車就正喇,可以呼吸清新空氣,感覺好free。」