黃芷晴被催識男仔：講到我咁慘！
黃日華女兒黃芷晴昨日出席「apm飛舞綻放羽毛藝術展」，她透露剛去完韓國看Big Bang演唱會，很喜歡他們的歌。她說：「喺香港都有睇過佢哋演唱會，但兩、三年冇睇，今次係第一次去韓國睇演唱會。（男仔叫你去睇？）係女仔。（韓仔啱唔啱你？）都OK。」
問芷晴在韓國有沒有艷遇？她即擰頭。再問媽咪有否催她找男友結婚？她坦言：「結婚冇得講住，佢有話我成日喺屋企，出去識多啲朋友。（媽咪叫auntie介紹男仔你識？）冇，反而朋友就有。（有冇合眼緣？）未，順其自然，講到我咁慘！陪家人朋友都開心，慢慢嚟。」她更大談擇偶條件，偏向鍾意藝術家類型，覺得識畫畫及整「手作仔」的男士會較細心，必定加分。