馮寶寶半世紀再續前緣

藝人馮寶寶與方伊琪昨日出席八珍旗艦店活動，提到馮寶寶於1960年曾為此老字號剪綵，她說：「呢個老字號好長情，今日仲送咗張我當年剪綵嘅相，相中嘅我表情肉緊，我諗可能係當時把鉸剪未開鋒，剪唔開條綵帶，所以我咁嘅表情。（酬勞計番50年來通脹？）哈哈，我諗有啩，今次專誠由馬來西亞返香港，都係被佢哋誠意打動。」
馮寶寶（左）與方伊琪難得見面，即雞啄唔斷。
馮寶寶（左）與方伊琪難得見面，即雞啄唔斷。

提到哥哥馮克安早前離世，馮寶寶說：「我都完全唔去諗，唔想去接受，唔諗就冇嘢。（會幫手為哥哥處理身後事？）我啲姪仔、姪女喺度。佢個仔好乖，之前拖住爸爸隻手，陪咗佢大半年，佢都幾安慰，有咁孝順嘅仔，我都戥佢開心。我都會出席埋（喪禮）先返馬來西亞。」

方伊琪偕兒子Apollo出席活動。
  • 方伊琪偕兒子Apollo出席活動。
馮寶寶獲贈1960年剪綵的相片。
  • 馮寶寶獲贈1960年剪綵的相片。