郭富城攞獎變迷你個唱
香港電影導演會前晚在尖沙咀舉行周年晚宴暨年度頒獎典禮，導演會會長劉偉強在頒獎儀式後，邀請一眾導演會員以及唱家班出身的郭富城、楊千嬅等齊齊上台合唱一曲《前程錦繡》。面對台下來賓熱情嗌encore，城城笑說：「呢度係導演會，唔係演唱會喎！」
剛獲導演會影帝的城城心情大靚，冇托手(月爭)獻唱《愛的呼喚》，不過現場音樂未能配合，城城即興清唱解圍：「咁樣唔得，唔啱喎，不如我清唱。」他又在台上與劉偉強分享「得獎感受」，當劉偉強笑說今年輸了給猴子時，城城即「悟空上身」，擺出多個招牌美猴王動作。