王嘉恩功夫陀飛輪 潮推國術
香港國術總會會長王嘉恩（Albert）與太太Pauline，以及副會長周國豐（Brandon），前晚與友人齊齊辦春茗。Albert精心安排了遊戲並擔任「Bingo之神」，抽出幸福號碼，他表示：「我好鍾意玩，人人有獎品。因為社會好多負能量，想畀大家多啲歡笑。（有冇發新年財？）有，不過我唔在乎贏輸，身邊嘅人開心最緊要。而我一向冇橫財運，靠腳踏實地搵錢。」
他續說香港國術總會去年籌辦了不少活動，包括到訪四川、少林寺、為電影《葉問3》設計Tee、推出書籍《武林薈萃》等，來年將籌辦更多活動，如與品牌萬希泉合作推出功夫陀飛輪腕錶等，他說：「我哋想用型、潮嘅方式，吸引多啲人去留意國術。」