王浩信復工激腫化妝遮傷口
藝人王浩信、朱千雪以及黃子恆昨日回到將軍澳電視城為無綫新劇《EU超時任務》拍攝宣傳片，而昨天亦是浩信自早前拍攝另一套劇《致命復活》遇上意外入院後首度開工，千雪和子恆更送上鮮花慰問。
惟見浩信仍未完全康復，除了左額雞蛋般大的瘀腫之外，左眼眼球中的血塊依然未散，浩信受訪時還笑言：「如果最初腫個size係XL，而家就係M。」慶幸經醫生檢查後，意外未傷及內部，腦、眼正常。現時開工惟靠鏡頭遷就及化妝遮掩：「好過美圖秀秀，希望拍完畀個宣傳片快啲出街。」
老婆囡囡擔心
浩信坦言受傷之初最擔心是太太陳自瑤和囡囡：「係我令到佢哋咁擔心，呢樣係令我最唔開心嘅。」不過他亦堅持工作唔會錫身，最緊要做足安全措施。浩信同時自覺ready，希望可以盡快返回《致》劇組，問他駕車可有陰影？他笑言：「見到啲車行得快就會諗番受傷嗰日嘅畫面，因為當日有出現斷片嘅情況，覺得好驚點解諗唔番當日發生嘅事。」
千雪刮傷肚皮
而千雪雖然向無綫申請了一年假期專心讀書，但亦特意請假為《超》劇宣傳，為自己第一套擔任女主角的劇集宣傳出一分力，回想拍攝仍是滿載歡欣感覺被愛，問她拍攝時可有受傷？她笑言最嚴重是刮傷肚皮：「有段時間留咗個疤，但依家好番喇，差唔多幾個月，（可以着比堅尼？）咁又唔關有冇疤事嘅，身材唔好無疤都無意思。」
文：影視組