盧大偉病情穩定瞓醒即冧妻
資深藝人盧大偉盛傳病危在東區醫院留醫，昨午盧大偉太太在病房外向傳媒交代丈夫情況：「暫時ok。（有傳佢病危？）係病，但清醒。（有冇生命危險？）暫時穩定。（認唔認到人？）認到，仲有講有笑，佢見到個個人都講爛gag。（瘦咗好多？）感冒都會瘦，佢飲食有段時間90%食素，瘦咗好多。」
盧太不願回應有傳曾志偉負責醫藥費問題，問盧大偉何時出院？她說：「醫生話如果ok就出院。（佢心情點？）由第一日入院到依家，佢都好正面樂觀，醫護人員好錫佢，佢係好開心嘅病人。」再問盧大偉是否剛做完手術？盧太搖頭否認。約晚上八時盧太買了兩袋飲品慰勞在場傳媒，並說：「佢情況穩定，只係好易攰，成日都瞓覺休息，但一起身就講啲骨痹說話。圈中好多朋友好有心，王祖藍都有短訊慰問。」而張崇德和陳敏兒昨日亦曾探望盧大偉。
