J2播六合彩收視破紀錄吳若希買電腦飛中獎
億元頭獎六合彩前晚攪珠，無綫於J2台直播六合彩打破收視紀錄！企業傳訊部副總監曾醒明表示：「收視平均9.8點（64萬觀眾），最高收視11.1點（72萬觀眾），應該係第六個號碼攪出嘅時候最高，今次搵到冬叔（夏春秋）做攪珠，比之前播放長咗10分鐘，過往3點收視，今次除咗破咗投注紀錄，亦破埋收視紀錄！」
而不少圈中人亦有玩埋一份，其中吳若希（Jinny）和Kellyjackie各自中獎！跟同事夾份買電腦飛的Jinny表示：「中咗三個半字，有幾百蚊，不過都冇啦，要返番現實，繼續畀心機做嘢。」而Kellyjackie亦謂十個人夾了$260買26注六合彩，其中一注中4個字，一注中3個半字，兩注中3個字，收$1040，實贏$780，故每人可分得幾十元，她表示會捐去慈善機構，自言信佛的她填表時亦篤信風水，選了面向正南方及四號位買飛。至於吳業坤就沒有偏財運，雖然沒有中獎，但他亦大方表示視錢如浮雲：「所以都冇乜所謂。（有冇朋友中獎？）冇呀，冇人中，就算中咗就唔會話我知。」