李曼筠狼狽包雲吞被罰洗碗

最強娛樂資訊App《東網巨星》推出全新節目《東網Baby大作戰》，每集邀請不同藝人接受挑戰，集娛樂與刺激於一身。今集邀得擁有豐滿身材的女星李曼筠挑戰炮製意大利雲吞，Maggie曾擔任飲食節目主持，廚藝有番咁上下，但要完成一連串任務絕非簡單！

挑戰專業師傅水平

首先是第一關包雲吞，在大廚Dion指導下，Maggie極速學師，並接受連專業師傅亦未必能完成的任務：三分鐘包好十隻雲吞！起初Maggie從容慢慢包，更偷食美味餡料，但時間進入倒數階段，她開始方寸大亂，以摩打手亂咁嚟，完成後場面猶如打仗！其後Maggie開火烹煮，雖然有一兩隻雲吞散開，但總算合格！最後來到她最擅長的畫碟部分，Maggie細心為製成品加工布置，賣相更媲美酒店級數！總結成績，Maggie成功過關，但搞笑的Dion笑言趕時間，令Maggie一樣要被懲罰洗碗，不過似乎Maggie相當享受，邊洗碗邊唱歌，場面搞笑！

李曼筠細心畫碟，賣相更媲美酒店級數！	李曼筠邊洗碗邊唱歌，場面搞笑！	大廚Dion教路，李曼筠專心學師。

親自炮製家常小菜

事後Maggie表示平日有親自炮製家常小菜，今次尚算滿意自己表現：「下次再整的話相信會更好，我已經拎咗秘方返去練習喇！（平時有整畀男仔食？）好耐冇喇喎！最緊要自己同家人食得開心！我覺得下廚最緊要係用心，身邊人一定感受到！」想欣賞Maggie的廚藝，記得Click入《東網巨星》收睇《東網Baby大作戰》！

文：立影

攝：張福宏、嚴偉國

場地：GSD Brothers Limited／Barry@Oneness

廚師：Dion Liu@Dia gourmet

http://goo.gl/T7r1nx