陳細潔冒寒滑雪 硬晒軚

「鯊魚女」陳細潔（Abbie）每年冬天均會去滑雪，今年選擇了瑞士St.Moritz，她謂已去過4次，是她最愛及最好的滑雪地，她說：「我同3個朋友全女班一齊去，但就各有各滑，因我一滑雪就好瘋狂，由早上9點不停滑到2點，大家程度唔同，唔會等嚟等去，只會滑完約一齊食飯。」Abbie透露今年天氣特別寒冷：「頭三日好凍，零下廿幾度，大風大雪，未試過，滑雪時啲雪大到睇唔到前面，腳趾凍到硬晒又好痛，當時個心都有啲驚，要就住嚟滑，好彩有教練喺度，安全啲。」
陳細潔於零下廿幾度滑雪，搞到腳趾凍到又硬又痛。
陳細潔於零下廿幾度滑雪，搞到腳趾凍到又硬又痛。

Abbie此行共去了12日：「滑咗6日雪，之後去咗倫敦探姪女，雖然細個喺英國曼徹斯特讀書，但嗰時都好慳唔會周圍去玩，所以今次第一次去劍橋，去嗰度坐船仔，感受吓書卷氣，嗰度真係一個讀書嘅好地方。」

陳細潔賞美景歎紅酒，笑言是人生樂事。
  • 陳細潔賞美景歎紅酒，笑言是人生樂事。