郭慶彬被誤當GD勁尷尬

身在米蘭的形像指導郭慶彬（Ricky），於當地與意大利鞋履設計師Giuseppe Zanotti重遇，Ricky表示對方特別留意他佩戴的眼鏡款式，Ricky說：「上次佢嚟香港，我送咗副特別眼鏡畀佢，記得有季我着咗一件皮褸，佢覺得我件皮褸好靚，就叫我除畀佢，同佢交換佢件皮褸着，好得意，好親切，估唔到佢貴為頂級設計師，個人咁好人同好細心。另一季我戴住帽同眼鏡，佢見到我時，認錯我係韓歌手G-Dragon，勁尷尬，乜我戴住眼鏡和帽真係咁似G-Dragon？」
郭慶彬笑言Giuseppe Zanotti十分留意他佩戴的眼鏡款式。
郭慶彬笑言Giuseppe Zanotti十分留意他佩戴的眼鏡款式。

今個秋冬季，品牌以clubbing為靈感，把夜場內閃爍幻變的光芒投放於雙履，鞋履綴滿各種顏色的水晶與閃片，Ricky大讚設計配合主題，笑言交叉帶鞋面設計於跳舞時不會甩鞋。另外，此行他更為當地雜誌拍攝專輯，於十層樓高的天台上，要克服畏高及飢寒交迫，幸拍攝出來的效果很好，認為抵冷抵餓都是值得的。

綴滿水晶的高跟鞋，是舞會上的最佳拍檔。
  • 綴滿水晶的高跟鞋，是舞會上的最佳拍檔。