Ana R.貪靚怕走樣減產

名模Ana R.、藝人岑杏賢及湯洛雯，昨日出席香港貿易發展局主辦的「香港國際鑽石、寶石及珍珠展」開幕典禮。產後首次行騷的Ana狀態大勇，只因她花了3個月減掉20公斤（約44磅），已差不多回復產前苗條身材，可以穿回靚衫而感到高興。至於會否再追多個仔湊成「好」字？她表示：「想，但怕身形走樣，等Maya兩歲先，有個差距，但係又好難去保證生仔，所以要試。（想生幾多個？）原本想5個，但怕老，所以生2至3個就夠。」她透露忙於為愛女Maya籌備三月的百日宴：「會喺韓國餐廳，主題係粉紅色野生動物園，係老公諗，原來好難搵人整cupcake同蛋糕。」

湯洛雯貪靚節食

另外，擔任模特兒的湯洛雯笑言戴了近3,000萬的珠寶令她抖不到氣及大壓力，而且為靚而節食兩、三星期。她透露會拍新劇《與諜同謀》與羅嘉良合作，但與鄭俊弘較多對手戲。提到有新電視台會否怕競爭大？她表示不會，行業百花齊放，自己會更加努力。

岑杏賢安全第一

岑杏賢穿上低胸晚裝並表示會戴近千萬的珠寶行騷。問到男朋友袁偉豪有否過目？她表示：「冇，佢唔喺香港，佢仲同我講行騷good luck。（怕唔怕佢曳曳？）唔會，佢好乖，好穩定。」她表示二人有傾過結婚，但未有定案。但問到是否同居先，她就表示不回應。提到會否好似鍾嘉欣閃婚？她說：「未咁快，我哋鍾意熱戀，享受拍拖。（咁有咗咁點？）唔會，好安全。」

文：名人組