Twins寺廟禪修日薪百萬

近年內地的真人騷節目大受歡迎，據知湖南衞視正製作全新節目《心路》，並成功請得Twins的阿Sa（蔡卓妍）和阿嬌（鍾欣潼）、吳鎮宇及內地演員張涵予、俞灝明等參與，他們會到各地的寺廟卸下明星光環做回「普通人」，進行修行如打坐、茶道、抄經及洗碗等生活。

「食檸檬」上寶蓮寺

Twins成軍16年來首次一齊接拍真人騷，據聞日薪是百萬人仔天價，相當「和味」，不過，這筆錢當然「唔易賺」，三日緊密行程天未光便要開機拍攝，日前Twins與一行廿人攝製大隊，晨早九時便殺到梅窩碼頭，任務是上寶蓮寺！只見她倆在街頭向一路經的女士「賣舞」郁身郁勢，表演十分落力，氹得對方哈哈大笑！之後Twins又獻聲，想和阿伯「暢錢」搭巴士，惟阿伯竟懶理閃人，令阿Sa和阿嬌一臉無奈尷尬，最後Twins惟有向巴士司機埋手，施冧招企圖搭順風巴上寶蓮寺，可惜最終未能得逞敗北收場。

阿Sa、阿嬌與內地節目女主持朱丹暢遊天壇大佛！	阿Sa、阿嬌（左）閉目靜心打坐。	問人暢錢

約十一時多Twins終到達寶蓮寺，兩人在大殿外見到大師即恭敬雙手合十，據知她倆跟隨大師學寫書法抄經、打坐及泡茶等禪修任務，從中學習人生道理。對於Twins以百萬日薪拍真人騷，昨日求證於英皇，英皇發言人回應說：「可以講嘅係酬勞係滿意，但我哋唔係睇錢，因為今次題材好吸引，係用禪修幫佢哋繁重嘅娛樂圈工作，洗滌心靈。」

「暢錢」失敗的阿嬌手拿紙幣尷尬傻笑。	撩搭順風巴	霆鋒到了非洲展開拍攝《十二道鋒味3》。

霆鋒非洲遭捕獲

另方面，謝霆鋒主持的內地飲食節目《十二道鋒味》兩季都大受歡迎，節目添食到第三季，將拉隊到非洲拍攝節目，有網友昨日在微博上載於非洲肯尼亞野生捕獲霆鋒的照片。霆鋒黑帽、黑超、運動裝配牛仔褲，孭着大背包的他一副輕鬆模樣，網友推測他是在當地錄影《十二道鋒味3》。

文：音樂組