張雨綺低胸孖辮妹 恨有仔埋身

藍色孖辮妹張雨綺以低胸裙上陣，可愛又性感。

【陳嘉敏米蘭直擊】張雨綺於米蘭時間26日出席當地舉行的Etro 2016秋冬時裝騷，她以藍色孖辮造型配低胸裙，露出深長「事業線」，既可愛又性感，甫到場即被包圍，她笑言：「我平時就係咁嘅樣，我同造型師傾過，我一直都想試吓孖辮造型，做番自己。（咁性感有冇冷親？）冇。（藍色頭髮係假髮？）係，因為我唔可以染成咁拍戲。」她稱時裝周後便要投入內地電影拍攝工作。問她在米蘭有否艷遇？她笑言：「冇，你幫我宣傳吓。」談到時裝騷，她大讚設計既酷又大膽，已經用手機拍下喜歡的服裝，一定會購買。

郭慶彬超模集郵

而台灣女星徐熙娣（小S）連踩兩場，一身中性全黑打扮參觀BVLGARI預展，再以褲裝及低胸衫出席Tod's騷，在開騷前一分鐘才匆匆到場，同場還有韓星金孝珍、本地著名形象指導郭慶彬（Ricky）。而Tod's在開騷前安排了一場名為VB Handmade的表演，超模Karlie Kloss平躺在木枱上，由工匠為她縫製衣服，凸顯品牌的精湛手工。Ricky大讚品牌的皮革服裝手工保持一貫的精緻，新作加入民族風，而剪裁方面亦十分適合亞洲人穿着，可穿性高。

小S以全黑打扮出席BVLGARI預展。	小S在Tod's開騷前一分鐘才匆匆到場。	郭慶彬與超模Mariacarla Boscono合照。

另外，Ricky在Sportmax騷與品牌代言人兼意大利超模Mariacarla Boscono合照，大讚品牌新作：「今季好多條紋，橫間係好難carry，尤其係彩色橫間，但品牌做得好好，令整體感覺好時尚摩登。同埋有好多drop shoulder設計，剪裁特別，反而適合細細粒嘅女仔，特別有型。」

金孝珍渾身條子紋，正好迎合潮流。

工匠為躺在木枱上的Karlie Kloss縫製衣服，手工精湛。