陳瀅生疹怪錯隻狗
藝人陳瀅、蔡思貝、羅仲謙、姊妹莊思敏及莊思明等昨日為劇集《潮流教主》宣傳，皮膚出疹仍未消退的陳瀅，透露起初以為自己生蝨，她說：「因為之前帶兩隻狗去完公園冇沖涼，後來先知係自己免疫系統問題，都要搽類固醇藥膏，嗰日拍廣告都要左遮右遮。」問到會否着男友何猷亨捧其新劇場？陳瀅卻迴避談男友，只表示會叫所有朋友捧場，因自《四個女仔三個Bar》後已有一年沒有新劇出街。
莊思敏姊妹戰鬥格
莊思敏與妹妹莊思明一個露前、一個露背透視，不讓同場的蔡思貝透Bra裝專美。惟莊思敏的黑色低胸有點衣不稱身，原來是減肥及患感冒所致，她指花了三星期減掉約25磅，已重回昔日磅數。問到短時間減掉多磅，身體可能適應？莊思敏謂：「都擔心，之前經期會遲同日子短咗！（咁急要減？）咁肉酸，博一博啦！希望其他廣告會搵番我。」
對於鍾嘉欣結婚，她坦言與其舊愛伍允龍較熟絡，問到有否安慰對方？莊思敏謂：「冇問啦！件事都有啲突然，不過開心事梗係要恭喜嘉欣，見佢啲結婚相都好開心，希望佢婚姻美滿。」阿謙對於舊愛傅穎公開表示有男友，阿謙表示最緊要開心，故會祝福對方。
文：影視組