蔡一智益傑仔 請麥當娜返家獻唱

據陳子才稱生肖屬蛇、馬、虎及兔者最旺財,當中草蜢成員蘇志威便是屬馬,問蘇志威如中獎會否告知老婆劉小慧?他笑言:「梗係會,會同……大家分享,口都窒埋,死啦,我唔想講o架。(會點用?)真係唔知,都係篤吓魚蛋,行街食吓好嘢。」

蔡一智則會關照弟弟蔡一傑:「我會話畀麥當娜知,希望喺屋企(請佢嚟)搞演唱會畀蔡一傑聽,等佢唔使追星。」蔡一傑則謂會捐一部分給慈善機構後再置業。

至於組合C AllStar,屬虎的釗峰、On仔及肖馬的Jase最有機會中獎,眾人更提供幸運號碼,On仔選7號,釗峰喜歡28號,Jase則選14號,屬牛的King就揀11號。King表示一向有買六合彩,惜沒橫財運,其他成員笑謂若King中獎定會向傳媒爆料,令嚇得心慌的King講錯要成立「慈善公司」,其他成員即笑他的善心是「有限公司」。提到若中獎,King說:「之前做饑饉去完埃塞俄比亞,好想用筆錢幫佢哋。」又計劃造福成員,投資在音樂創作上。