小S半遮臉 單眼睇騷
首次到米蘭欣賞時裝騷的台灣藝人徐熙娣（小S），連日來馬不停蹄走幾場騷，其中出席Moschino騷時以半遮臉的前衞髮型亮相，更笑言即使右眼快瞎了，還是開心。
【陳嘉敏米蘭直擊】台灣藝人徐熙娣（小S）出席米蘭當地時間2月25日舉行的Moschino 2016秋冬時裝騷，她以粉紅色sharp爆眼妝上陣，並set了一頭遮着右半邊臉的前衞髮型示人。她穿上寬鬆剪裁的大褸，與會場華麗宮廷為主題的設計，映襯出時尚女王霸氣，吸引大批粉絲與媒體圍着小S舉機拍照。現場擠得水洩不通，但小S依然保持完美狀態。她還在微博鬼馬留言：「雖然右眼快瞎了，可是還是非常的開心。」首次在米蘭欣賞時裝騷的小S，連日來馬不停蹄走幾場騷，想不到除了拿手主持節目《康熙來了》外，原來打扮造型亦得心應手。
江疏影由朝做到晚
另一邊廂，內地女星江疏影現身Anteprima 2016秋冬騷時，透露去年到了紐約時裝周，米蘭時裝周則是首次參與：「今次會逗留一星期，暫時未有時間周圍行，去時裝周每次都似打仗，由朝到晚做嘢。」談到工作，她表示早前拍畢由陳木勝導演的電影《危城殲霸》，與劉青雲、古天樂及彭于晏合作，六月份便會上映，稍後她將來港出席電影的交流會，問到拍戲有甚麼趣事？她坦言：「我係新人，佢哋好有經驗，從佢哋身上學到好多嘢。（佢哋都係男神，覺得邊方面最吸引你？）對工作嘅態度非常認真，都係我嘅老師。」
同日，中國超模劉雯與英倫潮女Alexa Chung出席Prada 2016秋冬騷，內地女星古力娜扎亦現身Emilio Pucci 2016秋冬時裝騷。