祖兒唱克勤歌奪第3
天后容祖兒早前被爆以天價每集150萬人民幣（約180萬港元）參加內地歌唱節目《我是歌手4》，並與好友李克勤同台較量，祖兒在昨晚播出的第七集中，憑克勤的《月半小夜曲》輕易奪得第三名。
雖然貴為樂壇天后，但祖兒坦言參賽期間相當大壓力，心情如坐「跳樓機」一樣上上落落：「唔知點解緊張得咁緊要，可能因為呢個係十幾億人睇嘅節目，唔可以出錯，唱唱吓支咪又冇聲，嚇到鼻哥窿都冇肉，個心離晒，驚過睇鬼片。」隨即又感謝戰友克勤說：「好多謝克勤，佢係我嘅盲公竹，幫咗我好多！同埋我覺得自己好似返咗15歲嗰陣咁，忘記自己一直嘅成績、身份，毫無負擔咁喺台上盡力唱。」而排第五的克勤得悉祖兒奪季時，亦笑說：「女人真係靠唔住，唱我嘅歌，又贏埋我。」但指友誼第一，希望兩人都可以進身總決賽。
李玟帶病上陣
另外，祖兒及克勤等歌手前晚錄影第八集，網上瘋傳不同版本的排名成績，有指祖兒將獻唱徐小鳳的《想着你的感覺》，而多以廣東歌出戰的克勤這次卻選唱內地男歌手薛之謙的《丑八怪》，令人驚喜，可惜有網友稱兩人都未能打入三甲，而祖兒的排名亦再一次比克勤高。雖然李玟前日綵排期間一度失聲，但有指她最後亦能參與錄影，帶病上陣演唱張學友的《我真的受傷了》。
文：音樂組