陳庭欣張秀文鬥快買樓

日前陳庭欣（Toby）被《好報》踢爆自任職公務員的父親退休後，入住曾因食水含鉛超標事件及上報A1頭條的「A1屋邨」九龍灣啟晴邨，而為免港姐光環鋒芒太露，Toby出入啟晴邨時亦顯得十分低調，不但刻意戴上口罩，更被《好報》拍得她於回家途中「高度戒備」低頭急步回府。而為圓上車夢，Toby亦慳到盡坐港鐵，更親自到洗衣店磅洗。

無自卑更獨立

對於被指她現居「A1屋邨」，Toby昨日接受本報訪問時則表示不願多談，但坦承父母的確於上址居住，並至今仍努力升呢做業主，續說：「呢排都真係幾慳，想努力工作盡快買樓，就算揸車都揀隻慳油嘅車，兩年一次旅行，唔買奢侈品。（Dream House？）最緊要爸媽鍾意！」而談及報道指她有男友翟威廉「照住」時，她直言：「我哋間唔中都會出嚟食吓飯，個日其實係去佢屋企樓下商場，個個朋友搵親佢都就佢係樓下食。（快啲嫁人就快啲換到樓？）呢啲嘢唔勉強，依家都好enjoy靠自己搵錢。」

張秀文近期學打泰拳，努力練兵操fit身材吸金。	《好報》爆港姐陳庭欣與張秀文捱足六年，仍與家人蝸居公屋！	陳庭欣出入包到冚，高度戒備！

至於，與Toby同屆的港姐亞軍張秀文亦為公屋出身，現時並與家人同住於馬鞍山耀安邨，而最近憑34D獲封為「新一代咪神」的她則直言絕無因住公屋而感自卑：「一出世就住呢度，唔會覺得輸蝕畀人，係好平常嘅事，咁仲好啦，令我更獨立！」其後，她亦坦言想盡快搵到第一桶金買樓：「以前都想o架喇！但一直追唔到樓價，到近排事業有起色又再諗番，希望四至五年內達成啦！」

放大圖片	翟威廉被拍到於寓所大堂會合陳庭欣，雙雙上樓。	翟威廉

文：專案組