周嘉莉教陳嘉桓 買膽拖全餐
一億六合彩金多寶下周二殺到，藝人陳嘉桓、周嘉莉昨日抱着公仔財神殺入運財投注站落注外，更提供買膽拖全餐的投注方式！另邊廂，陳蕊蕊亦唔執輸，除到中過多次頭獎的投注站落注外，更在投注站前大晒事業線搖骰仔揀號碼，氣勢十足！
於3月1日開彩的億元金多寶六合彩令全城哄動，人人都想分一杯羮。而陳嘉桓便聯同「六合彩女神」周嘉莉，昨日到尖沙咀漢口道、去年曾中過30次頭獎的投注站落注！兩女先到公園行大運再抱着財神公仔落注，而曾任六合彩主持的周嘉莉更穿上「＄」黑絲襪沾旺氣。對於買六合彩周嘉莉甚有心得笑言：「我覺得五個數字膽拖全餐，買半注五蚊，總數220蚊，最抵玩！大家不妨考慮下。」談到一億夢，兩女不約而同想用1/3獎金做善事。周嘉莉謂：「做咗善事後，我會買樓，然後再將餘下的錢幫有需要的前亞視同事。」陳嘉桓則表示彩票放銀包最安全。
買樓置業 投資生意
而藝人蕊蕊昨日特地穿上紅衫，到曾售出30次頭獎彩票的大埔安泰路投注站買六合彩！投注前蕊蕊更用骰盅搖出六個幸運號碼，又透露會用100元落注。問到若中了頭獎會點使，她說：「首先要做啲善事，始終係橫財嘛，剩低就畀屋企同買樓！（會話畀男友金剛知？）我會同佢夾份買，所以就算中咗都唔會有一億！（唔怕朋友知道咗要狂請食飯？）橫財開心Share係好事嚟！（用嚟搞生意？）有筆資金當然想投資同做生意。」問到蕊蕊有否中獎命，她笑言：「有時抽獎都會中獎，不過好少係大獎，之前都有中過幾次六合彩，但係最多都係中過20蚊！」
玲玲貼士 南方有財
堪輿學家麥玲玲亦不忘為大家送上金多寶貼士，她表示當日為火，旺屬羊、狗和虎的人士，可以選擇買熱門號碼6、9、10和22等。而當日的財位在南方，可以嘗試到南區的投注站落注比較有利。而投注時間則最好為早上九時到十一時，或下午一時到三時，以粉藍色或波浪形的服飾為佳。
採訪：影視組、專案組