羅嘉良回巢諜戰 預告戲勢勁
羅嘉良（撈家）日前和老婆蘇岩從內地乘飛機返香港，戴住黑超的二人，出閘後立刻會合迎接他們的司機，他們行到就近停車場期間，亦有接受記者訪問，撈家就算已成內地一線大卡士，都仍然Nice爆零架子。
角色具挑戰性
特地回港為無綫拍新劇《與諜同謀》的撈家坦言囡囡沒有隨行，問到是否已知道今次合作的演員名單，他謂：「問監製啦，（想同邊個合作？）邊個都得，有新鮮感就得。」更指角色具挑戰性、幾好玩。
談到拍攝時間，撈家就預計要拍兩個半月以上：「不過2月26、27號要去顧嘉煇演唱會做嘉賓先。（唱《秦始皇》？）唔係啦，唱顧嘉煇嘅歌。」
下月一日開拍
撈家又謂擔任完演唱會嘉賓後，29號便會到電視城試造型：「3月1號開拍，時間銜接得非常好。（無綫出幾錢請你返嚟？）OK啦，大家都滿意！返嚟主要都係好耐冇見過觀眾，都成6年冇返嚟。」
撈家亦指可以趁今次機會見媽咪、囝囝和一眾好友。問拍完一套劇會否再拍多套？他謂：「到時先算啦，拍咗呢套先！希望有套好戲畀大家睇，盡力！」