苟芸慧王君馨想叫姊妹靚媽
藝人鍾嘉欣將在溫哥華補擺婚宴，好姊妹李亞男、王君馨、苟芸慧亦先後飛抵溫哥華參加婚宴。王君馨、苟芸慧飛抵溫哥華後，在李亞男父親陪同下從特別通道離開機場，隨即會合李亞男齊開餐歎茶。三女聚首接受無綫節目訪問時表示，嘉欣的婚宴將低調進行，王君馨則想加玩新郎環節。而三女亦戥新娘開心，恭祝一對新人長長久久、甜甜蜜蜜、最緊要生大堆BB，她們笑言：「因為嫁咗，唔可以再叫嘉欣BB，叫靚太又老咗，咁叫靚媽啦！」
其後三女大爆嘉欣常將放於自己電話內其老公小時候的相片跟她們分享：「嘉欣畀佢老公細個啲相我哋睇，成日話佢老公細個時候好靚仔、好Cute！」李亞男更笑指嘉欣會與自己分享煮食心得，有賢妻感覺。至於苟芸慧就將飯局相片上載社交網，公告姊妹在溫哥華重聚，還感謝李亞男請客，李亞男亦留言：「辛苦你們了。」之後主播晒出嘉欣的婚宴請帖，帖以紅色設計，上面更有嘉欣至愛的蝴蝶公仔。
此外，鍾嘉欣的經理人Pansy昨日亦現身機場準備飛往溫哥華出席嘉欣婚宴，惟她不欲多談：「佢請假到三月尾。（嘉欣懷孕影響工作？）唔清楚。」無綫採訪隊亦到過嘉欣丈夫Jeremy工作的診所，不過就未見他的蹤影。
