蔡思貝誘觀眾 預告泳衣谷劇
陳豪、蔡思貝、李佳芯、楊秀惠、陳瀅及莊思敏等昨日在尖沙咀為新劇《潮流教主》行Catwalk宣傳，蔡思貝、李佳芯、陳瀅等齊齊賣萌擺可愛甫士。陳豪在劇中與多位靚女合作，卻沒有感情線及親熱戲。講到收視，陳豪說：「一向都唔諗收視，自己注重觀眾口碑。好開心拍到一部題材新鮮、大膽嘅劇集，新演員可帶來新衝擊，新對手可擦出新火花，觀眾都需要煥然一新。」
陳豪五月陪產
談及他與陳茵媺去睇BB女衫仔？陳豪說：「已經知道性別，不過唔想公開住，等BB出世，等佢自己公布。」他透露太太五月預產期，屆時會請假陪產。
易惹緋聞的蔡思貝今次可謂絕緣，劇中沒有愛情線，主線與陳豪的師徒情，不斷被陳豪鞭策，成為潮流教主接班人。講到不用再惹緋聞，蔡思貝笑謂今次可以免疫。劇中與傳過緋聞的羅仲謙「隔離」避免再惹緋聞，她說：「今次同羅仲謙係兄弟情，都有好多火花。」蔡思貝揚言希望劇集有40點收視：「估啫，當然愈高愈好，近排劇集收視好，希望保持住。」有40點收視會否着泳衣答謝觀眾？她笑說：「我哋呢啲着泳衣出身，不過要keep fit先。」
陳瀅搵仔撐場
陳瀅對於被林作踢爆她與何猷亨已有婚期，她否認說：「我要問林作分期付款就真，哈哈！（四太有冇催婚？）感情希望低調，呢排新聞都圍繞感情，希望可以轉番去工作。」問會否叫男友及四太捧新劇？她說：「會叫所有朋友支持。（若拍咀戲要備案？）唔使，工作還工作。」
文：影視組